Patrimoine et inventaire de Nouvelle-Aquitaine

Lieu de conservation : Archives départementales de la Vienne, Poitiers

Côte : 16 J 1/376

ISBD/Commentaire :

Notes de Victor Bardet sur Availles-Limouzine. Société des Antiquaires de l'Ouest : collection de documents originaux (don de M. Ginot en 1926).

Sachent tous qu'en droict [en la cour du scel] estably aux contracts à Availles pour [haut et puissant] seigneur monseigneur dudit lieu et [pardevant les notaires] jurez d'icelle soubz signéz ont esté presans [et personnellement] establys Messire François [Compaing, chevallier] seigneur de Vareilles, de la Mothe d'Autefa, [des fiefs de Villedon], le Rivault et les Brousses, gentilhomme [ordinaire de la chambre] du Roy, et dame Margueritte d'Allouhe, [son espouze, demeurant] au lieu noble de Vareilles, paroisse d'[Availles, et César] Lory, maître peintre demeurant de présant au dit [lieu de] Vareilles, susdite paroisse, entre lesquelles parties [ont esté] faicts les accords et convenances qui s'ensuivent. C'est à sçavoir que les dicts seigneur et dame de [Vareilles] ont donné au dit Lory à faire et faire faire [en une] chapelle sictuée en l'église Saint Martin d'A[vailles les] choses qui s'ensuivent qui sont : premièrement faire bien blanchir icelle partout et du hault en [bas et] par dessus icelle blanchisseure la peindre toutte [...] et représenter dans icelle les vies de quelques saincts avec histoires telles qu'il plaira aus dit seigneur [et dame] de Vareilles d'exécuter, neantmoings au lieu fois [...] la cinture de deuil ; plus faire massonner la gran[de fenestre] jusques a moitié et au reste le fera vitrer et en l'aut[re fenestre] dessus l'hostel aussy ; plus au hault du dit hostel [v...] ou poisle avec une courtine, un tableau en huille p[our] mettre sur le dit hostel ou dans iceluy y sera inscul[pté] un crucifix, la Vierge, St Jean, les portraicts des dits seigneurs et dame de Vareilles et de Monsieur et Mesdemoiselles du Pouyaud et de mademoiselle de la Benestière leur fille et autour du dict tableau ung cadre de menuizerie pinct et doré comme icelluy de la chappelle du dit lieu noble de Vareilles et au dessous du dit tableau une marche à trois degrez aussy pincte, plus six tumbes de front, chacune de sept pieds de long et trois et demy de large dans deux desquelz seront gravés les portraicts, aage et qualitez des dicts seigneur et dame de Vareilles et icellui dit seigneur mis en habit d'armes et ladite [dame] ainsy qu'elle verra le mieux estre propre avecq [l'ecu]sson de leurs armoiries et le reste de la dicte chappelle carlé de carreaux et pour ce qui est des tumbes [et carr]eaux qui sont dans icelle s'en servira sy tant est [quilz pui]ssent s'aproprier a quelque chose accommodant ladite chapelle ; plus pindre les barreaux et balustres qui renferment la dite chappelle du hault en bas tant d'ung costé que d'autre en feuillages et filletz ensemble pindre l'arcade du hault de la dite chappelle et qui est dedans le coeur de la dite église jusques à la voutte d'icelle ; plus faire recouvrir la dite chappelle partout et en cas qu'il y aye manque de thuille le dit Lory la fournira ; plus faire griffonner icelle par le dehors tout autour ; plus au-dessus des balustres mettra une croix et pindra ung crucifix et aux deux costez des pommes de vase ; lesquelles choses cy dessus le dit Lory a promais et c'est obligé faire et faire faire et rendre faictes et parfaictes et fournir de tous matériaulx necessaires à faire les dites choses sy dessus cottees fors excepté le charroist que les dits seigneur et dame de Vareilles ont promis et seront tenus faire faire ; pour la fasson desquelles choses sy dessus ils ont promis et promettent au dit Lory la somme de deux cent livres tournois de laquelle dite somme ilz en ont baillé et payé audit Lory la somme de cent livres tournois ainsy qu'il a confessé en nos présences estre vray et stable, s'en est contenté et contente et en a quité et quite les dits seigneur et dame de Vareilles et les leurs ; et pour ce qui est des autres cent livres restant en payeront à proportion que ledit Lory fera la besongne laquelle il a promis rendre en sa perfection de tout point dans le jour et feste de Pasques prochain a peyne de tous despans dommages et interests. [...] Faict et passé au dit lieu noble [de] Vareilles avant midy le vingt deuxiesme de janvier mil six cents trente deux et ont les parties signé.

Transcrit par Victor Bardet. Les incertitudes de la transcription sont signalées entre crochets (Archives départementales de la Vienne, 16 J 1/376).